चर्चित अभिनेत्री केली प्रेस्टनको स्तन क्यान्सरका कारण निधन
अमेरिकी चर्चित अभिनेत्री केली प्रेस्टनको ५७ वर्षको उमेरमा निधन भएको छ । अभिनेत्री केली प्रेस्टनको ५७ वर्षको उमेरमा स्तन क्यान्सरका कारण मृत्यु भएको हो । जेरी म्यागुइर र ट्विन्सजस्ता चलचित्रमा अभिनय गरेकी केली विगत दुई वर्षदेखि स्तन क्यान्सरविरुद्ध लडिरहेकी थिइन् ।
उनको निधन भएको उनका श्रीमान् जोन ट्राभोल्टाले इन्स्टाग्राममार्फत् जानकारी गराएका हुन् । ६९ वर्षीय उनले लेखेका छन्, ‘म निकै दुस्खका साथ जानकारी गराउँछु कि मेरी सुन्दर श्रीमती स्तन क्यान्सरविरुद्धको दुईवर्षदेखिको लडाइँ हारेकी छन् । उनको माया र उनको सम्झना रहिरहनेछ ।१३ अक्टोबर १९६२ मा जन्मिएकी केलीले १९८५ मा पहिलो चलचित्र मिसचिफमा अभिनय गरेकी थिइन् । एजेन्सी ।
