सामुदायिक विद्यालयमा दिवा खाजालाई निरन्तरता, जंकफुड दिन नपाइने
काठमाडौं । सरकारले सामुदायिक विद्यालय अध्ययन गर्ने बालबालिकालाई दिने दिवा खाजा कार्यक्रम निरन्तरता दिएको छ । अर्थमन्त्री डा प्रकाशशरण महतले सङ्घीय संसद्मा आर्थिक वर्ष २०८०/८१ को बजेट पेश गर्दै त्यसका लागि यसवर्ष ८ अर्ब ४५ करोड रकम विनियोजन गरिएको जानकारी दिए ।
दिवा खाजा कार्यक्रमअन्तर्गत विद्यार्थीलाई अबदेखि जंकफुड दिन नपाइने सरकारले जनाएको छ। सरकारले सामुदायिक विद्यालयमा गुणस्तर वृद्धि गराउन दिवा खाजा सञ्चालन गरिरहेको छ।
