एसीसीए नेपालद्धारा वार्षिक भेला सम्पन्न

काठमाण्डाै, एसीसीए नेपालद्धारा गत शनिबार बुढानिलकण्ठ स्थित पार्क भिलेज रिसोर्टमा आफ्ना सदस्यहरुको उपस्थितिमा वार्षिक भेला सम्पन्न गरिएकाे छ । यस्तो भेला हरेक वर्ष गरिने भए पनि कोभिड १९ का कारण दुई वर्ष पछाडि भौतिक रुपमा गरिएको हो । एसीसीएका सदस्यहरुलाई एकै ठाउँमा भेला गरि आफ्ना अनुभवहरु आदान प्रदान गर्नु कार्यक्रमको मुख्य उद्देश्य रहेको एसीसीए नेपाल प्रमुख रविन कटवालले बताए ।

उक्त कार्यक्रममा ११६ जना एसीसीएका नयाँ सदस्यहरुलाई प्रमाणपत्र र प्रशंसा पत्र वितरण गरिएको थियो । उनीहरू मार्च २०१९ देखि मे २०२२ को बीचमा एसीसीएको सदस्यता लिन सफल भएका थिए । एसीसीएका नेपाल प्रमुख रविन कटवालले उपस्थित सबैलाई स्वागत गर्दै एसीसीए सदस्य तथा पढाइ हुने कलेजहरुलाई धन्यवाद ज्ञापन गर्दै शुभकामना दिए ।

उक्त कार्यक्रममा एसीसीएका प्रेसिडेन्ट वर्ला कोलिन्सको विशेष भिडियो सन्देश प्रस्तुत गरिएको थियो । त्यसैगरि सल्लाहकार समितिबाट प्रियाञ्जली जोशी र विपिन थापाका साथै वरिष्ठ एसीसीए एवं सीए जगदिश भट्टराईले आफ्ना अनुभवहरु सुनाएका थिए । कार्यक्रममा मनोरञ्जन र आपसको सम्बन्ध प्रगाढ पार्नको लागि विभिन्न खेल तथा गतिविधिहरु समेत गरिएको थियो ।