पूर्वराजा ज्ञानेन्द्रले बुझ्न नसकेको र चोलेन्द्रले नसिकेको पाठ
सुरेश आचार्य ।
‘इतिहास दोहरिन्छ’ भनेको हो रहेछ ! तत्कालीन राजा ज्ञानेन्द्रले आन्दोलनकारी दलहरुको माँग बमोजिम २०६३ बैशाख ११ गतेका दिन दुई वर्षअघि बिघटन भएको प्रतिनिधीसभा (संसद) पुनःस्थापित गरिदिए, अनि त्यही संसदले उनलाई श्री ५ को पदबाट निलम्बित गरिदियो, र अन्ततः राजतन्त्र नै गयो ।
सर्वोच्च अदालतका प्रधानन्यायाधीस चोलेन्द्रशम्शेर जबराले ३ महिना बीचमा सांसदहरुको मागबमोजिम २/२ पटक ओली–बिघटनमा परेको प्रतिनिधीसभा पुनःस्थापना गरिदिए, अहिले तिनै सांसदले महाअभियोग लगाई पदच्यूत गरेर हुर्मत लिने भएको गन्ध पाएकोले भोलि चोलेन्द्रले पदबाट राजीनामा गर्ने भएछन् !
राजनीतिज्ञहरुसँग दया–माया, धर्म, निष्ठा र विश्वसनीयता भन्ने कुनै पनि चीज हुन्न भन्ने सुनेको ठिकै रहेछ । त्यसमाथि उनीहरुको शरीर र मन, जनताको गाली खाँदा–खाँदा गैँडाको छालाजस्तो कडा बनिसकेको हुन्छ । यो गुह्य कुरा, राजा ज्ञानेन्द्रले बुझ्न सकेनन्, तर चोलेन्द्रले त्यो परिदृष्य देखेर पनि पाठ सिकेनन् ।
नेपालको इतिहासमा जसले प्रतिनिधीसभा पुनःस्थापित गर्छ, त्यही प्रतिनिधीसभाको पहिलो शिकार हुन्छ ! यस्तै हुँदैआएको छ !
राजनीति निर्मम हुन्छ, चेतना भया !
