एमसीसी अनुदान राष्ट्रियताको शिकार
नारायण गाउँले ।
विद्युतीय पूर्वाधार विकासका लागि मेरूदण्ड मानिएको प्रसारण लाइनका लागि आउन लागेको ५५ अर्ब एमसिसी अनुदान राष्ट्रियताको शिकार भयो ।
विद्यालयको चौरमा घाँस उखेल्ने र हिलो-धुलो बनाउने अनि फेरि हिलो-धुलो हटाउन भनेर घाँस रोप्ने काममा खर्च भइरहेको प्रधानमन्त्री रोजगार कार्यक्रमका लागि विश्व ब्याङ्कसँग १४ अर्ब रुपियाँ ऋण लिइएछ । त्यो ऋणको ब्याज तिर्न एडीबीसँग फेरि ऋण लिने होला, किनकि हाम्रो राजश्वले सामान्य खर्च पनि धान्दैन र वित्तीय व्यवस्थापनका लागि ऋण लिनै पर्ने अवस्था छ ।
एमसिसी त बरु संसदमा छलफल भएर, केका लागि कति समयमा कति खर्च हुने हो भन्ने व्यापक बहस र डकुमेन्टेड भएर आउँदै थियो । विश्व ब्याङ्कका शर्त त्यसभन्दा कडा रहने गरेका छन् तर यो रकम सोझै कार्यकर्तामा पुग्ने हुनाले कसैले विरोध गर्दैन ।
