विश्वासको बन्धनले क्वारेन्टाइनमा राख्न तथा बस्न सजिलो हुन्छ



अहिले हामी मझदारमा उभिएका छौं | हाम्रो सानो प्रयासले सुरक्षित हुने कि सानो हेल्चेक्राइले खतरा निम्त्याउने भन्ने कुरा हाम्रो हातमा छ | कोरोना संक्रमणको दोस्रो स्टेज यस्तो बिन्दु हो जहाँबाट पहिलो स्टेजमा फर्केर सुरक्षित जोनमा जान सकिन्छ वा तेस्रो चरणमा पुगेर भयाबह अवस्था सामना गर्नुपर्ने हुन्छ | सुरक्षित जोनमा आउनको लागि तलका उपायको बिकल्प हामीसंग रहेन |

– प्रहरी, राजनैतिक पार्टीका वडा तथा गाउँ समिति, स्वास्थ्यकर्मी, संचारकर्मी तथा आम नागरिकले बाहिरबाट आएको व्यक्तिलाई अनिबार्य रुपमा २ – ३ हप्ता क्वारेन्टाइनमा राख्ने | उनीहरुको परिवार वा आफन्तसंग भेट भएको छ भने उनीहरुलाई पनि क्वारेन्टाइनमा राख्ने | बाहिरबाट आएको व्यक्तिलाई स्कुल वा यस्तै खाली भवनमा राख्ने, परिवार तथा आफन्तलाई होम क्वारेन्टाइनमा राख्ने | सबै मिलेर क्वारेन्टाइनमा रहेका व्यक्तिको अनुगमन गर्ने, उनीहरुलाई सहयोग गर्ने | जसले क्वारेन्टाइनमा बस्न मान्दैन, उसलाई फोर्स क्वारेन्टाइनमा राख्ने |

– कोरोना संक्रमण सरेको व्यक्तिलाई सामान्यतया २-१० दिनभित्र लक्षण देखिन्छ | यो संक्रमण कालमा संक्रमित व्यक्ति अरु व्यक्ति जस्तै स्वस्थ्य हुन्छ | उ आफुलाई स्वस्थ ठानेर धेरै जनालाई भेट्छ, भेलामा सहभागी हुन्छ | त्यो अवस्थामा उसले धेरैलाई कोरोना संक्रमण सार्दछ | तसर्थ कुनै व्यक्ति स्वस्थ्य छ भनेर ढुक्क नबनौं | भारत लगायत बाहिरबाट आएको जुनसुकै उमेरको जो कोहीलाई पनि क्वारेन्टाइनमा राख्नुपर्दछ |

– एउटा सलाईको काँटीले बन जलाउन सकेजस्तै एउटा संक्रमित व्यक्तिले पुरै गाउँ संक्रमित बनाउन सक्छ | यसको अर्थ मलाइ सरेको छैन वा मलाइ सर्दैन भनेर ढुक्क नबसौं | इटली, अमेरिका लगायतका मुलुकमा यदि मनस्थितिको कारण आज ठूलो पीडा छ |
– बाहिरबाट आएको व्यक्तिलाई सामाजिक बहिष्कार वा तिरस्कार नगरौं | उनीहरुलाई माया गरौँ, सहयोग गरौँ, उनीहरुको विश्वास जितौं | विश्वासको बन्धनले क्वारेन्टाइनमा राख्न तथा बस्न सजिलो हुन्छ |

– सम्भव हुन्छ भने संक्रमित जिल्लामा पालो गरेर जनस्तरबाट गस्ती गरौँ | यसो गर्दा रातिमा कुनै समयमा बाहिरबाट नयाँ व्यक्ति आएको थाहा हुन्छ | त्यस्तै कसैले क्वारेन्टाइनको नियम पालना गर्यो कि गरेन भन्ने पनि थाहा हुन्छ |
– हामी भयभित हुने, त्रसित हुने, आतंकित हुने, निरास हुने नगरौं | कोरोना संक्रमण हुँदैमा मृत्यु हुँदैन | १०० जना संक्रमितमा २-३ जनाको मात्र मृत्यु हुने हो | हल्लाको पछि नलागौं | सहि सुचना आधाकारिक ठाउँबाट लिने बानी गरौँ |

डा. रवीन्द्र पाण्डे, जनस्वास्थ्य विज्ञ
यो खबर पढेर तपाईलाई कस्तो महसुस भयो ?

प्रतिक्रिया दिनुहोस
अभियान र अभियन्ता एकै होइनन्

नारायण गाउँले । मलाई पनि सामाजिक अभियन्ता भनिने कतिपयका कतिपय कुरा कत्ति पनि

नयाँ पुस्तालाई नेतृत्व हस्तान्तरण नगरे राप्रपा विघटन हुने गम्भीर खतरा छ

दिलनाथ गिरी । राप्रपालाई कुरूप बनाउने तीन घुँडे रथका संवाहकको प्रतिस्पर्धाबाट झण्डै १८

विपदसँग जुध्ने योजना बनाउन अब राष्ट्रिय पुनर्निर्माण मन्त्रालय गठन गरौं

केशवप्रसाद भट्टराई । बाढी, पहिरो र डुबानको समस्यालाई मानवीय क्षमताले सम्भव हुने हदसम्म

त्याग गर्ने प्रवृत्तिमाथि ग्रहण लागेको समयमा देखियो हरिश्चचन्द्र भाव

राजेन्द्र गुरुङ । त्याग गर्ने प्रवृत्तिमाथि ग्रहण लागेको समयमा हरिश्चचन्द्र भाव देखियो ।