दक्षिण कोरियामा जेजु एयरको विमान दुर्घटनाः मृतकको संख्या ४७ पुग्यो
बीबीसी । दक्षिण कोरियामा १८१ यात्रु बोकेको विमान एउटा विमानस्थलमा दुर्घटनाग्रस्त हुँदा कम्तीमा ४७ जनाको मृत्यु भएको छ ।
उक्त विमान धावनमार्गबाट उछिट्टिएको थियो र देशको दक्षिण पश्चिममा पर्ने मुआन अन्तर्राष्ट्रिय विमानस्थलको पर्खालमा ठोक्किएको थियो । जेजु एयरको उक्त विमानमा १७५ जना यात्रु र ६ जना चालक दलका सदस्य थिए।
विमान थाइल्यान्डको ब्याङ्ककबाट फर्किरहेको थियो र उक्त दुर्घटना अवतरणको समयमा भएको योन्हाप समाचार संस्थाले जनाएको छ । केही व्यक्तिको जीवितै उद्धार गरिएको छ र उद्धार प्रयासहरू जारी रहेको अग्नि नियन्त्रकले बताएका छन् ।
विमानमा १७३ जना दक्षिण कोरियाका नागरिक र दुई जना थाई नागरिक रहेका योन्हापले जनाएको छ ।
