नेकपाको स्थायी कमिटी बैठक धुम्बाराहीमा जारी, यस्ता छन् एजेण्डा
काठमाडौं । सत्तारूढ नेपाल कम्युनिष्ट पार्टीको स्थायी कमिटी बैठक सुरू भएको छ । पार्टी केन्द्रीय कार्यालय धुम्वाराहीमा बैठक सुरू भएको हो । बैठकमा पार्टी अध्यक्षसमेत रहेका प्रधानमन्त्री केपी शर्मा ओली भने अस्वस्थताका कारण उपस्थित भएका छैनन् ।
एपेन्डिसाइटिसको शल्यक्रियापछि प्रधानमन्त्री ओली आराम गरिराखेका छन् । आइतबार नै बसेको सचिवालय बैठकले स्थायी कमिटी बैठकका लागि पाँच एजेण्डा तय गरेको थियो ।
बैठकमा अध्यक्ष पुष्पकमल दाहाल प्रचण्डले राजनीतिक प्रतिवेदन पेश गर्नेछन्। यो प्रतिवेदन अर्का अध्यक्ष ओलीसँगको परामर्शमा तयार पारिएको बताइएको छ ।
केन्द्रीय कमिटी बैठक बोलाउने, नेपाल-भारत सीमा विवाद, विधान संशोधन र अन्य गरी पाँच एजेन्डामा स्थायी कमिटीमा छलफल हुने प्रवक्ता नारायणकाजी श्रेष्ठले जानकारी दिएका छन् । यसअघि आज विहान पार्टीको सचिवालय बैठक बसेको थियो ।