लियोनल मेस्सीलाई लगातार पाँचौ पटक पिचिची ट्रफि
बार्सिलोनाका कप्तान लियोनल मेस्सीले आठौँ पटक पिचिची ट्रफी जितेका छन् । सन् २०२०–२१ को सिजन ला लिगामा सर्वाधिक गोलकर्ता बन्दै मेस्सीले लगातार पाँचौ पटक पिचिची ट्रफी आफ्नो नाममा लेखाएका हुन् ।
लगातार पाँच पटक यो अवार्ड जित्ने उनी पहिलो खेलाडी समेत बनेका छन् ।मेस्सीले यस सिजनको ला लिगामा ३५ खेल खेल्दै ३० गोल गरेका थिए । ट्रफी जितेपनि मेस्सीको टोली बार्सिलोनाले भने तेस्रो स्थानमा रहेर सिजनको अन्त्य गरेको छ ।
पिचिची अवार्ड जित्नेक्रममा मेस्सीले रियल मड्रिडका फरवार्ड करिम बेन्जेमालाई उछिने । बेन्जेमाले यस सिजन २३ गोल गरेका छन् । यस्तै भिल्ला रियलका जेरार्ड मोरेनोले पनि २३ गोल गरेका छन् ।
