काठमाडौं रेजर्सलाई एनएसएलको उपाधि
काठमाडौं । पहिलो संस्करणको नेपाल सुपर लिग (एनएसएल)को उपाधि काठमाडौं रेजर्सले जितेको छ । शनिबार भएको खेलमा काठमाडौंले धनगढी एफसीलाई हराउँदै च्याम्पियन बनेको हो ।
त्रिपुरेश्वरस्थित दशरथ रंगशालामा भएको खेलमा काठमाडौंले धनगढीलाई १–० ले पराजित गर्यो । धनगढीलाई जित दिलाउन मोसोउके ओलोओमुले निर्णायक गोल गरे ।
उनले खेलको २१औँ मिनेटमा गोल गरेका थिए । विशाल श्रेष्ठको क्रस पासमा उनले गोल गरेका हुन् । खेलको २९औँ मिनेटमा ओलोओमोउले डी बक्सनजिकबाट हानेको फ्रिकिक बल आउट भएको थियो ।
धनगढीका लागि खेलको ३४औँ मिनेटमा डिफेन्डर फ्यान्किल टालाले कर्नरबाट आएको बल डी बक्सभित्रबाट हेड गरे पनि गोलमा परिणत हुन सकेन । खेलको इन्ज्युरी समायमा काठमाडौंका इस्टिफिन बिनोगनले वान टु वान लिएको बललाई ६ यार्डनजिकबाट हाने पनि गोल गर्न सकेनन् ।
५२औँ मिनेटमा धनगढीका निशान खड्काकाले कर्नरबाट हानेको पास सोजन राईको खुट्टामा लागेर गएको थियो । खेलको ५४औँ मिनेटमा धनगढीका निशान लिम्बूले हानेको क्रस पास विशाल राईले डी बक्सभित्रबाट हेड गरे पनि गोलमा परिणत हुन सकेन । उपाधिसँगै काठमाडौंले ३५ लाख रुपैयाँ हात पारेको छ । उपविजेता धनगढीले १५ लाख पायो ।