इंग्लिस प्रिमियर लिगमा वेष्टह्यामद्वारा बर्नली २–१ ले पराजित
इंग्लिस प्रिमियर लिगमा वेस्ट ह्याम युनाइटेडले बर्नलेलाई उसकै मैदानमा २–१ ले पराजित गरेको छ । वेस्ट ह्यामले एक गोलले पछि परेको अवस्थामा पूनरागमन जित हात पारेको हो ।
यो नतिजासँगै वेष्टह्याम युनाइटेडले शीर्ष चारमा अटाएर आगामी सिजन च्याम्पियन्स लिग फुटबलमा स्थान बनाउने आशा जीवितै राखेको छ ।अवे मैदानमा भएको खेलमा वेष्टह्यामको जितमा दुवै गोल मिकेल एन्टोनिओले गरेका थिए । उनले २१ र २९ औं मिनेटमा गरेको गोल नै निर्णायक बन्यो ।
खेलमा सुरुवाती अग्रता भने बर्नलीले लिएको थियो । उसका लागि १९ औं मिनेटमा पाएको पेनाल्टीमा क्रिस वूडले गोल गरेका थिए । जितपछि पाँचौं स्थानको वेष्टह्यामको ३४ खेलबाट ५८ अंक भएको छ । चौथो स्थानको चेल्सीको ६१ अंक छ ।
गएराति नै भएको अर्को खेलमा वेष्टब्रोम र वुल्भ्सले १–१ को बराबरी खेल्दै अंक बाँडेका छन् ।
