च्याम्पियन्स लिगमा एटलान्टाबिरुद्ध रियलको संघर्षपुर्ण जित

रियल मड्रिडले च्याम्पियन्स लिग फुटबल अन्तर्गत अन्तिम १६ को पहिलो लेगमा संर्घषपुर्ण जित निकालेको छ । गएराती भएको अन्तिम १६ को पहिलो लेगमा १० खेलाडीमा सिमित एटलान्टालाई १–० ले हराउदै रियलले क्वार्टफाईनल प्रबेशको संभावना बलियो बनाएको हो ।

इटालीको बेर्गामोस्थित गेविस स्टेडियममा रियलका लागि फेर्लान मेन्डीले खेलको अन्तिम समयमा गरेको गोल निर्णायक बन्यो । खेलको १७ औ मिनेटमा एटलान्टाका रेमो रुलर रातो कार्ड खादै मैदानबाट बाहिरिएपछि खेलको सुरुवातमै एटलान्टा १० खेलाडीमा सिमित बनेको थियो ।

रियलले र एटलान्टाले पहिलोपटक एक–अर्काको सामना गरेका हुन् । जितसँगै रियलले क्वार्टरफाइनल यात्रा सहज बनाएको छ । यी दुई टोलीबिचको दोस्रो लेगको खेल रियलको मैदानमा १६ मार्चमा हुनेछ ।