न्यायाधीश भुवन गिरीलाई थुनामा पठाउन सर्वोच्चको आदेश
काठमाडौं । सर्वोच्च अदालतले वैवाहिक बलात्कार मुद्दामा न्यायाधीश भुवन गिरीलाई पुर्पक्षका लागि थुनामा राख्ने आदेश दिएको छ ।
बुधबार सर्वोच्चका न्यायाधीशद्वय हरिप्रसाद फुयाल र तिलप्रसाद श्रेष्ठको संयुक्त इजलासले यसअघि उच्च अदालतले गरेको आदेश बदर गर्दै गिरीलाई थुनामा पठाउने आदेश दिएको हो ।
कपिलवस्तु जिल्ला अदालतका न्यायाधीश गिरीकी पत्नीले वैवाहिक बलात्कारको आरोप लगाउँदै जिल्ला प्रहरी कार्यालय, कपिलवस्तुमा जाहेरी दिएकी थिइन् ।
काठमाडौं जिल्ला अदालतले थुनामै राख्न आदेश दिए पनि उच्च अदालतले थुनाबाहिरै रहेर मुद्दाको प्रतिवाद गर्ने छुट दिएको थियो । उच्च अदालतको त्यो आदेश बदर गरी सर्वोच्चले थुनामै पठाउने आदेश दिएको हो ।
उच्च अदालतको आदेशविरूद्धको निवेदनमा बुधबार सुनुवाइ भइरहँदा न्यायाधीश गिरीकी पत्नीले इजलासमै विष पिएकी थिइन् । उनको वीर अस्पतालमा उपचार भइरहेको छ ।
