वीरगंजस्थित अपार्टमेन्टबाट साढे २२ किलो सुन बरामद

वीरगंज । वीरगंजको रेशम कोठीबाट साढे २२ किलो सुन र २ किलोभन्दा बढी चाँदी बरामद भएको छ । विशेष सुराकीको आधारमा प्रहरीले शनिबार वीरगंज महानगरपालिका–५ रेशमकोठीस्थित श्री गणेश अर्पाटमेन्टको ३०३ नम्बरको फ्ल्याटबाट २३ किलो दुई सय ७५ ग्राम सुन र दुई केजी २ सय ६२ ग्राम चाँदीका गर गहना बरामद गरेको प्रहरीले जनाएको छ ।

अपार्टमेन्टका सुरक्षागार्डका अनुसार उक्त नम्बरको फ्ल्याट भारतीय नागरिक अशोक सिन्हाको हो । सुन बरामद भएपनि कोही पक्राउ परेका छैनन् । प्रहरीले २ घण्टा बढी समय लगाएर अपरेसन गरेको थियो ।