सुडान काण्डका मुख्य अभियुक्त शम्भु भारती सर्वोच्चको आदेशमा जेलमुक्त
काठमाडौं । नेपाल प्रहरीको सुडानस्थित राष्ट्रसंघीय मिसनको सामग्री खरिदमा भ्रष्टचारी ठहर भएका मुख्य अभियुक्त शम्भु भारती सर्वाेच्च अदालतको आदेशले जेलमुक्त भएका छन् ।
अदालतले भारतीलाई कारागारबाहिरै बसेर मुद्दा लड्ने सुविधा दिएपछि उनी जेलमुक्त भएका हुन्। उनले सर्वाेच्च अदालतमा पुनरावलोकनका लागि निवेदन दिएका थिए ।
भारतीलाई सर्वोच्च अदालतले सो काण्डमा दोषी ठहर गरि १४ करोड २० लाख बिगो र जरिवानासहित १ वर्ष जेल सजाय सुनाएको थियो । केन्द्रीय अनुसन्धान ब्युरोको टोलीले भारतीलाई गत भदौ १२ मा ललितपुरस्थित निवासबाट पक्राउ गरेको थियो ।
उनी सदरखोर डिल्लीबजारमा रहँदै आएका थिए । सर्वोच्च अदालतले कमसल सामान खरिद गरी भ्रष्टाचार गरेको भन्दै उनलाई १४ करोड २० हजार ८ हजार ३ रुपैयाँ जरिवाना गरी त्यति नै बिगो प्रहरी कल्याण कोषले निजबाट भराई लिने फैसला गरेको थियो ।
