इरानमा आतङ्कवाद विरोधी अभियानमा चार बिद्रोहीको मृत्यु
तेहरान । इरानको इस्लामिक रिभोलुसन गार्ड्स कोर (आइआरजीसी) ले शुक्रबार दक्षिणपूर्वी प्रान्त सिस्तान र बलुचिस्तानमा चार आतङ्कवादीलाई मारेका जनाएको छ ।
यो अपरेशन चलिरहेको आतङ्कवाद विरोधी अभ्यासको एक हिस्सा थियो, जसलाई ‘शहीदहरूको संरक्षण’ भनिन्छ । यो नोभेम्बर १ देखि आइआरजीसी को कुड्स बेसको परिचालन एकाइहरूद्वारा संयुक्त रूपमा गरिएको आधिकारिक समाचार एजेन्सी (आईआरएनए) प्रवक्ता अहमद शफेईले बताए ।
रस्क काउन्टीमा शुक्रबारको अपरेशनको क्रममा एक आइआरजीसी सदस्य शहीद भएको छ । “आतङ्कवादीहरूबाट एउटा गाडी र ठूलो मात्रामा हतियार र गोलाबारुद बरामद गरिएको थियो,” शाफेईले भने ।
प्रवक्ताले प्रान्तका सबै आतङ्कवादी र ठगहरूलाई समाप्त नगरेसम्म तथा सबै सुरक्षा उद्देश्यहरू प्राप्त नभएसम्म उक्त अभ्यास जारी रहने जोड दिए ।
शाफेईले अभ्यासको क्रममा कुल आठ आतङ्कवादी मारिएका र १४ अन्यलाई गिरफ्तार गरिएको बताए ।
पाकिस्तान र अफगानिस्तानसँग सीमा जोडिएको सिस्तान र बलुचेस्तान प्रान्तमा विगतका वर्षहरूमा सर्वसाधारण र सुरक्षा बल दुवैमाथि धेरै आतङ्ककारीले आक्रमण गरेको छ ।
