पोप फ्रान्सिसद्वरा क्रिस्मस पर्वको समारोह शुरू



“ईश्वरले हामीमध्येका नराम्रासहित” सबैलाई माया गर्ने भन्दै क्याथोलिक इसाईहरूका सर्वोच्च धर्मगुरु पोप फ्रान्सिसले क्रिस्मस पर्वको समारोह शुरू गरेका छन्।

भ्याटिकन सिटीस्थित सेन्ट पिटर्स बासिलिकामा क्रिस्मसको पूर्वसन्ध्यामा आयोजित समारोहमा भेला भएका मानिसहरूलाई उनले सम्बोधन गरेका थिए।

“तपाईँहरूले गलत विचार गरेको हुन सक्छ, तपाईँहरूले पूरै अस्तव्यस्तता निम्त्याएको हुन सक्छ, तथापि ईश्वरले माया जारी राख्नुहुन्छ,” आर्जेन्टिनी पोपले भने। यसलाई धेरैले गिर्जाघरमा हुने गरेका यौन दुराचारसहितका काण्डसँग जोडेर हेर्न सक्ने बताउँछन्।

क्रिस्मसको दिन पोप फ्रान्सिस सेन्ट पिटर्स बासिलिका फर्कने छन् जहाँबाट उनले विश्वलाई पोपबाट दिइने परम्परागत सन्देश दिने छन्। गत हप्ता पोपले पादरीहरूको गोपनीयतासम्बन्धी एउटा नियममा महत्त्वपूर्ण परिवर्तन ल्याएका थिए।

पादरीहरूबाट हुने बाल यौन दुराचारका घटनालाई बाहिर आउनबाट रोक्ने नियम उनले हटाइदिएका थिए। पीडितको गोपनीयता र आरोपितको प्रतिष्ठाको विषय अघि सार्दै त्यस्ता घटनाहरूलाई गिर्जाघरले विगतमा ढाकछोप गर्थ्यो।

तर पोपका नयाँ दस्तावेजहरूले यौन दुर्व्यवहारका घटना बाहिर ल्याउने अथवा पीडित व्यक्तिलाई त्यस्ता कुरा बताउनमा लगाइएका प्रतिबन्ध फुकुवा गरिदियो।

पादरीहरूबाट भएका हजारौँ यौन दुराचारका घटना र त्यसलाई ढाकछोप गर्ने वरिष्ठ धर्मगुरुहरूको प्रयासका कारण विश्वभरि गिर्जाघर विवादमा पर्दै आएका छन्।

नेतृत्व प्रदान गर्न तथा यो सङ्कटसँग जुझ्ने प्रभावकारी समाधान दिन भन्दै पोप फ्रान्सिसले गम्भीर दबावको सामना गरेका छन्। भ्याटिकन सिटीमा आयोजित समारोहमा भेनेजुएला, इराक र युगाण्डासहितका बालबालिका पनि सहभागी छन्।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पाकिस्तानका पूर्वप्रधानमन्त्री खानका वरिष्ठ सहयोगी पक्राउ

पाकिस्तानका पूर्व गृहमन्त्री तथा अपदस्थ नेता इमरान खानका बरिष्ठ सहयोगीलाई बिहीबार पक्राउ गरिएको

नयाँ नोटमा बेलायती नरेशको तस्बिर नछाप्ने अष्ट्रेलियाको घोषणा

अष्ट्रेलियाले आफ्नो ब्याङ्कनोटमा बेलायती नरेशको तस्बिर नछाप्ने घोषणा गरेको छ । अष्ट्रेलियाको केन्द्रीय

रुसद्वारा युक्रेनको आवासीय भवनमा हमला

बिहीबार पूर्वी युक्रेनको एक अपार्टमेन्ट भवनको भग्नावशेषमा बचेकाहरूलाई रुसी आक्रमणले ध्वस्त पारेपछि उद्धारकर्ताहरूले

पाकिस्तानद्वारा १२० गैरकानुनी अफगान नागरिक रिहा

पाकिस्तान र अफगानिस्तानबीचको सम्बन्ध बिग्रँदै गएको बीचमा इस्लामावाद सरकारले सिन्ध प्रान्तबाट गैरकानुनी थुनामा