जनकपुरविरुद्ध पहिले ब्याटिङ गर्दै लुम्बिनी

काठमाडौं । नेपाल प्रिमियर लिग (एनपीएल) मा जनकपुर बोल्ट्सविरुद्ध लुम्बिनी लायन्सले पहिले ब्याटिङ गर्ने भएको छ । कीर्तिपुरस्थित त्रिवि क्रिकेट मैदानमा जनकपुरका कप्तान हरमित सिंहले टस जितेर बलिङ रोजेपछि लुम्बिनीले ब्याटिङ गर्ने भएको हो ।

एनपीएलका दुई भेटमा दुबै टोलीले एक–एक खेल जितेका छन् । पहिलो सिजन जनकपुरले लुम्बिनीलाई १ रनले पराजित गरेको थियो । दोस्रो सिजन भने लुम्बिनीले जनकपुरलाई ४ विकेटले हराएको थियो।