जर्मन बुन्डेस लिगाको उपाधि बायर्न म्युनिखलाई
काठमाडौं । जर्मन बुन्डेस लिगाको उपाधि बायर्न म्युनिखले जितेको छ । लगातार आठौं पटक उपाधि जित्ने क्रममा बायर्नले गएराति वेडर ब्रेमेनलाई १–० ले हराएको हो । ब्रेमेनको मैदानमा भएको खेलमा १० खेलाडीमा झरेको बायर्नका लागि रोबेर्ट लेवान्डोस्कीको निर्णायक गोल गरे ।
यता ब्रेमेनलाई भने गएरातिको हारले रेलिगेसनमा पर्ने खतरा झनै बढेको छ । बार्यनको ३२ खेलमा ७६ अंक छ भने दोस्रो स्थानका डर्टमण्डको ३१ खेलमा ६६ अंक छ । १८ टोली सहभागी जर्मन लिगमा एक टोलीले सिजनमा ३४ खेल खेल्छन् ।
