प्रथम केब्स कप अन्तर विद्यालय बास्केटबल प्रतियोगिता शुरु



काठमाडौँ । कुमारी एकेडेमी (केब्स) को आयोजनामा “प्रथम केब्स कप अन्तर विद्यालय ५×५ बास्केटबल प्रतियोगिता २०७६” शुरु भएको छ ।

काठमाडौंको बौद्धस्थित कुमारी एकेडेमीको प्राङ्गणमा शुक्रबारदेखि शुरु भएको प्रतियोगिताको उद्घाटन प्रमुख अतिथि टुसाल यूथ क्लबका अध्यक्ष विजय लामा, सभापति सुरेश भ­ट्टराई तथा अतिथिहरुको संयुक्त रुपमा भएको थियो ।

प्रतियोगिताको उद्घाटन गर्दै प्रमुख अतिथि लामाले विद्यालयले खेलकुद प्रतियोगिता गरेकोमा प्रशंसा गर्दै विद्यालय खेलकुद विकासको मेरुदण्ड भएकोले राज्यले विद्यालय खेलकुदलाई प्राथमिकतामा राख्नुपर्नेमा जोड दिए ।

कार्यक्रममा बौद्ध तथा मेलम्ची घ्याङ गुठीका महासचिव नविन वज्र लामाले शुभकामना मन्तव्य राख्दै शिक्षा र खेलकुदलाई सँगसँगै अगाडि बढाउनुपर्ने आवश्यकता रहेको बताए ।

कार्यक्रममा बोल्दै सभापति सुरेश भ­ट्टराईले प्रतियोगिताले शैक्षिक गुणस्तर र खेलकुदको माध्ययमबाट विद्यालयलाई अब्बल स्थापित गर्न सफल हुने बताउदै कार्यक्रमको समापन वागमती प्रदेशका प्रदेशसभा सदस्य छिरिङ दोर्जे लामाले गर्ने जानकारी दिए ।

आगामी माघ २१ गते मंगलबार सम्म सञ्चालन हुने प्रतियोगितामा ११ टिमको सहभागीता रहने जनाएको छ । प्रतियोगिताको विजेतालाई ट्रफि, मेडल र प्रमात्र–पत्र प्रदान गरिने आयोजकको जनाएको छ । प्रतियोगिता केब्सको आफ्नै खेल मैदानमा सञ्चालन भइरहेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नवौं राष्ट्रिय खेलकुदका लागि म्याग्दीमा महिला भलिबल र तेक्वान्दोको खेलमैदान तयार

म्याग्दी । म्याग्दीमा नवौं राष्ट्रिय खेलकुद प्रतियोगिता सञ्चालन हुने खेलमैदान तयार पारिएको छ।

घोडा दौड प्रतियोगितामा बोहोरा प्रथम

कर्णाली । जुम्ला सदरमुकाम खलङ्गामा सम्पन्न घोडा दौड प्रतियोगितामा गुठिचौर गाउँपालिका–२ जुम्ला गडीगाउँ

सुदूरपश्चिम राजधानी कपको उपाधि लुम्बिनी प्रदेशलाई

सुदूरपश्चिम । धनगढीमा भएको ‘सुदूरपश्चिम राजधानी कप राष्ट्रिय फुटबल प्रतियोगिता’को उपाधि लुम्बिनी प्रदेशले

सन्दीप असोज २० गते नेपाल फर्किने

काठमाडौं । किशोरी बलात्कारको आरोप लागेका क्रिकेट खेलाडी सन्दीप लामिछाने दशैंको टीकाको भोलिपल्ट