संकटा क्लबद्वारा एपीएफ क्लब पराजित
काठमाडौं । दशरथ रंगशालामा संकटा क्लबले सशस्त्र प्रहरीको एपीएफ क्लबलाई ४(२ ले पराजित गरेको छ । बिहीबार शहीद स्मारक ए डिभिजन लिगमा सशस्त्र प्रहरीको एपीएफ क्लबलाई ४(२ ले पराजित गरेको छ ।
खेलमा १९ औं मिनेटमा लक्ष्मण रुचालले करिब २५ यार्डबाट प्रहार गरेको प्रिकिक गोलबाट संकटाले अग्रता लिएको थियो । पेनाल्टी एरियामा वान बाउन्स भएर बल गोल भए पनि एपीएफका गोलकिपर अमृत चौधरीले रोक्ने कुनै मौका पाएनन् ।
४४ औं मिनेटमा कर्ण सुब्बाले गोल गर्दै संकटाको अग्रता दोब्बर पारे । पेनाल्टी एरियामा अजयी मार्टिन्स कोयोडोको पासमा कर्णलेको पहिलो प्रहार एपीएफका गोलकिपर अमृतले रोकेका थिए तर त्यसमै बएको रिबाण्डमा कर्णले नै गोल गरेका हुन् ।
५३ औं मिनेटमा अजयीले नै गोल गर्दै संकटालाई ३(० को अग्रता दिलाए । तर एपीएफले लगातार दुई गोल फर्काउँदै खेलमा फर्कने संकेत गरेको थियो । ५६ औं मिनेटमा नवीन लामा र ७२ औं मिनेटमा आशिष लामाले गोल गर्दै खेल ३(२ को स्थितिमा पुर्याए । ८८ औं मिनेटमा अजयी मार्टिन्सले नै गोल गर्दै संकटालाई ४(२ को अग्रता दिलाएका हुन् ।
