फिफा बरियतामा नेपाल १६१औं स्थानमा
काठमाडौं । फिफाले निकालेको वरियताको सूचीमा नेपाल १६१औं स्थानमा पुगेको छ । यसअघि १ सय ६६ स्थानमा रहेको नेपालले ५ स्थान सुधार गरेको हो ।
नेपालले विश्वकपको दोस्रो चरणको छनोटमा प्रतियोगितामा कुवेतसँग पराजय भोगे पनि चाइनिज ताइपेविरूद्ध जित हात पारेको थियो । दक्षिण एशियाका देशहरूमा भारत १०४ औं स्थानमा छ भने माल्दिभ्स १५३औं स्थानमा, भुटान १८५औं स्थानमा छ । त्यस्तै बंगलादेश १८७औं, श्रीलंका २०२ र पाकिस्तान २०३ औं स्थानमा रहेको छ ।
विश्व बरियताको शीर्ष स्थानमा भने बेल्जियम छ भने विश्वविजेता फ्रान्स एक स्थान उक्लिदै दोस्रो स्थान पुग्दा ब्राजिल एक स्थान तल झरेको छ । चौथोमा इंग्ल्यान्ड र पाँचौ स्थानमा पोर्चुगल रहेको छ ।