प्रहरी महानिरीक्षक कुँवर ‘हेड अफ एनसीबी कन्फ्रेन्स’ मा सहभागी हुन सिंगापुर प्रस्थान



काठमाडौं । नेपाल प्रहरीका महानिरीक्षक वसन्तबहादुर कुँवर सिंगापुर प्रस्थान गरेका छन्। नेशनल सेन्ट्रल ब्यूरो (एनसीबी), नेपालका प्रमुखसमेत रहेका कुँवर सोमबार सिंगापुर प्रस्थान गरेका हुन् ।

इन्टरपोल महासचिवालयको आयोजनामा सिंगापुरमा सञ्चालन हुने ‘हेड अफ एनसीबी कन्फ्रेन्स’ मा सहभागी हुन उनी त्यसतर्फ गएको प्रहरी प्रधान कार्यालयले जनाएको छ । आईजीपी कुँवरलाई प्रहरी अतिरिक्त महानिरीक्षकहरू, प्रहरी नायब महानिरीक्षकहरूलगायत वरिष्ठ प्रहरी अधिकृतहरूले त्रिभुवन अन्तर्राष्ट्रिय विमानस्थलमा शुभकामनासहित बिदाइ गरेका थिए ।

नेपाल इन्टरपोलको १०० औं सदस्य राष्ट्र हो। इन्टरपोलको शताब्दी वर्षमा नेपालका तर्फबाट जेठ २ गते प्रहरी वरिष्ठ नायब निरीक्षक पुरुषोत्तम नेपालीले सगरमाथा आरोहण गरेका थिए ।

उनले सगरमाथा चुचुरोमा नेपालको राष्ट्रिय झण्डासहित नेपाल प्रहरी र इन्टरपोलको झण्डा फहराएका हुन्। इन्टरपोलको उक्त झण्डा आईजीपी कुँवरले कन्फ्रेन्सका क्रममा इन्टरपोलका अध्यक्ष अहमद नासेर अल–रैसीलाई हस्तान्तरण गर्ने कार्यक्रम छ ।

हेड अफ एनसीबी कन्फ्रेन्समा अन्तर्राष्ट्रियस्तरमा हुने अपराधहरूको नियन्त्रण सम्बन्धमा इन्टरपोलका सम्पूर्ण १९५ सदस्य राष्ट्रहरूका एनसीबी प्रमुखहरू तथा इन्टरपोल महासचिवबीच एकैसाथ समन्वय एवं सहकार्यका विषयहरूमा छलफल हुने गर्छ ।

कन्फ्रेन्समा इन्टरपोलका सदस्य राष्ट्रहरूका प्रमुखहरूले आ–आफ्ना देशका प्राथमिकताहरू, उत्कृष्ट अभ्यासहरू आदानप्रदान गर्नेछन् । इन्टरपोलका सदस्य राष्ट्रहरूका प्रमुखहरूको हरेक वर्ष हुने एनसीबी हेड कन्फ्रेन्स यस वर्ष यही जेठ २४ देखि २६ गतेसम्म सिंगापुरमा सम्पन्न हुनेछ। कन्फ्रेन्समा एनसीबी काठमाडौंका शाखा प्रमुख प्रहरी उपरीक्षक अनुपमशमशेर जबरासमेत सहभागी हुनेछन् ।

आईजीपी कुँवरको अनुपस्थितिमा प्रहरी अतिरिक्त महानिरीक्षक टेकप्रसाद राईले प्रहरी प्रधान कार्यालयको दैनिक प्रशासनिक कामकाजको जिम्मेवारी सम्हाल्नेछन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सात कोरियाली आरोहीले जुगल हिमाल आरोहण गर्ने

  सिन्धुपाल्चोक ।  सिन्धुपाल्चोकको जुगल हिम शृङ्खलाअन्तर्गका दुई नयाँ हिमालको पहिलो आरोणका लागि

स्नातक छोरीबुहारीलाई सूर्योदय नगरपालिकामा सय दिनको रोजगारी

इलाम । इलामको सूर्योदय नगरपालिका–१ बाङ्गीनकी स्वस्तिका शाहलाई निःशुल्क छात्रवृत्तिमा स्नातक पढाएको नगरपालिकाले

याकमार्फत यसरी गरिन्छ सामान ढुवानी(फोटोफिचर)

सगरमाथा क्षेत्रमा याकमार्फत विभिन्न सामग्री ढुवानी गरिँदै । उच्च हिमाली क्षेत्र भएकाले यस

कपनबाट पेस्तोलसहित एकजना पक्राउ

काठमाडौं । प्रहरीले काठमाडौंको कपनबाट हतियारसहित एकजनालाई पक्राउ गरेको छ । जिल्ला प्रहरी