यात्रुसँग बढी भाडा असुल्ने कलंकीबाट थप दुई जना पक्राउ
काठमाडौं । महानगरीय ट्राफिक प्रहरी महाशाखाले यात्रुसँग बढी भाडा लिने थप दुई जनालाई बिहीबार कलंकी चोकबाट पक्राउ गरेको छ ।
कलंकी चोकबाट काउण्टरका २ जना कर्मचारीलाई यात्रुसँग मनोमानी भाडा लिइरहेको बेला नियन्त्रणमा लिएको हो ।
काठमाण्डौंदेखि झापा मोरङ्गको नियमित भाडा एक हजार देखि बाह्रसयसम्म भएपनि यात्रुसँग दुई गुणा बढी जनही २५०० रुपैयाँका दरले भाडा उठाउने खोटाङ्ग गरभइ कलंकी बस्ने बर्ष ३५ को भीम बहादुर खड्का र रौतहट घर भई खसीबजार बस्ने बर्ष ५० को बैजनाथ चौधरीलाई महाशाखाको सादा पोशाकको टोलीले पक्राउ गरेको हो ।
उपत्यकाको रिङ्गरोडमा चल्ने बा४ख १९२५ नम्बरको पाथिभारा दर्शनको भाडा बसमा यात्रु लग्ने गरी टिकट काटिएको समेत पाइएको महाशाखाले जनाएको छ ।