रेम्डिसिभिर औषधि कालोबजारी गरेको आरोपमा एकजना पक्राउ
काठमाडौं । कोरोना संक्रमितको उपचारमा प्रयोग हुने रेम्डिसिभिर औषधि कालोबजारी गरेको आरोपमा प्रहरीले एक जनालाई पक्राउ गरेको छ । गोरखा घर भएका रफिक मियाँलाई महाराजगन्जबाट पक्राउ गरिएको महानगरीय अपराध महाशाखाले जनाएको छ ।
६ थान रेम्डिसिभर १ लाख २० हजार रुपैयाँमा बिक्री गरिरहेका बेला महाशाखाको टोलीले मियाँलाई पक्राउ गरेको हो । त्रिवि शिक्षण अस्पताल अगाडि रहेको सेवक फर्माका दीपक ढकालसँग मिलेर रेम्डिसिभिर तोकिएको भन्दा धेरै मूल्यमा बेचेको रफिकले प्रहरीलाई बताएका छन् ।
उनीबारे अनुसन्धान भइरहेको महाशाखाले जनाएको छ । सो रेम्डिसिभिरको बजार मूल्य ३० हजार रुपैयाँ छ । मियाँलाई कालोबजारी र संक्रामक रोग ऐन–२०२० अनुसार मुद्दा चलाउने प्रहरीको तयारी छ ।
