आठ लाख घुस लिएर भाग्दै गरेका गाउँपालिकाका अध्यक्षका चालक र गाडी नियन्त्रणमा
काठमाडौं । अख्तियार दुरुपयोग अनुसन्धान आयोगले घुस लिएर भाग्दै गरेका धनुषा बटेश्वर गाउँपालिकाका अध्यक्ष डम्बरबहादुर राउत क्षेत्रीको गाडी र चालकलाई नियन्त्रणमा लिएको छ । चालक र गाडी नियन्त्रणमा लिएपनि अध्यक्ष भने फरार भएका छन् ।
भवन निर्माण सम्पन्नपछि भुक्तानी दिने प्रयोजनमा क्षेत्रीले अतिरिक्त रकमबापत ८ लाख रुपैयाँ घुस लिएको अख्तियारले जनाएको छ । अख्तियारको टोली पछि लागेको थाहा पाएपछि अध्यक्ष क्षेत्र भने घुस रकम भने बाटोमा फ्याँकेर भागेका अख्तियारका प्रवक्ता नारायणप्रसाद रिसालले बताए।
