सुनसरीमा ट्रकको ठक्करबाट एम्बुलेन्समा सवार सात जनाको मृत्यु

इटहरी । सुनसरीको हरिपुरमा ट्रक र एम्बुलेन्स ठोक्किँदा एम्बुलेन्समा सवार सातै जनाको मृत्यु भएको छ । वीरगंजबाट सुनसरी आउँदै गरेको ना २ ख ९०८२ नम्बरको ट्रकले उदयपुर गइरहेको को १ च ९३६४ नम्बरको एम्बुलेन्सलाई शनिबार राति ठक्कर दिएको थियो ।

प्रहरीका अनुसार ठक्करबाट सातै जनाको घटनास्थलमै मृत्यु भएको हो । मृत्यु हुनेमा उदयपुर त्रियुगा नगरपालिका–१० का राजेश दनुवार, दुर्गाधन राई, टेकेन्द्र राई, तुलाबहादुर राई, मुकेश राई, दिनेश राई र शिवमाया राई रहेका छन् ।