कश्मीरका जनतालाई आत्मनिर्णयको अधिकार दिनुपर्ने पाकिस्तानी राजदूतको माग
काठमाडौं । नेपालका लागि पाकिस्तानका राजदूत मजहर जावेदले कश्मीरका जनताको आत्मनिर्णयको अधिकार कार्यान्वयन हुनुपर्नेमा दिएका छन् ।
काठमाडौंस्थित पाकिस्तानी राजदूतावासले बिहीबार दूतावासमा आयोजना गरेको ‘जम्मुकाश्मिर विवाद र पछिल्ला घटनाक्रम’ विषयको छलफलमा उनले दक्षिण एशियाको शान्ति, स्थायित्व र विकासका लागि जम्मुकाश्मिर विवादको अन्त्य अपरिहार्य भएको बताए ।
उनले संयुक्त राष्ट्रसङ्घीय सुरक्षा परिषद्को प्रस्तावानुसार काश्मिरका जनताको आत्मनिर्णयको अधिकार कार्यान्वयन गर्न अन्तर्राष्ट्रिय समुदायले प्रयास गर्नुपर्नेमा जोड दिए ।
राजनीतिक विश्लेषक सुरेन्द्र केसीले आणविक शक्ति राष्ट्र भारत र पाकिस्तानबीचको द्वन्द्वले दक्षिण एशियाको शान्ति, प्रगति र विकासमा अवरोध सिर्जना भएकाले वार्ताका माध्यमबाट सबै समस्याको समाधान हुनुपर्ने बताए ।
