विराटनगर भन्सारका तत्कालीन प्रमुख सापकोटासहित चार जनाविरुद्ध भ्रष्टाचार मुद्दा दायर
काठमाडौँ । अख्तियार दुरुपयोग अनुसन्धान आयोगले भन्सार प्रणालीको सरकारी अभिलेख नै नष्ट गरी राजस्व चुहावट गरेको अभियोगमा विराटनगर भन्सार कार्यालयका तत्कालीन प्रमुख ताराप्रसाद सापकोटासहित चार जनाविरुद्ध भ्रष्टाचार मुद्दा दायर गरेको छ ।
मंगलबार आयोगले तत्कालीन भन्सार प्रमुख सापकोटा, भन्सार अधिकृत नवकुल शर्मा, भन्सार छलीमा संलग्न व्यापारी शेरबहादुर बस्नेत र भन्सार एजेन्ट सरनकुमार खरेलविरुद्ध भ्रष्टाचार मुद्दा दायर गरेको छ ।
बस्नेत देव इन्टरनेसनल प्रालिका सञ्चालक हुन् । अख्तियारका प्रवक्ता नरहरी घिमिरेले प्रतिवादीहरुविरुद्ध ८४ लाख ५५ हजार ६ सय ५ रुपैयाँ बिगो कायम गरी विशेष अदालतमा मुद्दा दायर गरिएको जानकारी दिए ।