भोटेबहालमा इनारमा डुबेर दुई जनाको मृत्यु

काठमाडौं । काठमाडौंको भोटेबहालमा इनारमा डुबेर दुई जनाको मृत्यु भएको छ । झापा घर भएका ३६ वर्षीय दिपेन लिम्बु र सिन्धुली घर भएका २२ वर्षीय जितेश गुरुङको इनारमा डुबेर मृत्यु भएको जिल्ला प्रहरी परिसर काठमाडौंका सूचना अधिकारी सीताराम रिजालले जानकारी दिए ।

पानी तान्ने मोटर निकाल्ने क्रममा दिपेन सुरुमा इनारमा फसेको र उनलाई बचाउन गएका जितेशको पनि मृत्यु भएको प्रहरीले जनाएको छ ।