मानव अधिकार आयोगको अध्यक्ष हुँ भनी १५ लाख ठगी गर्ने एक जना पक्राउ
काठमाडौं । आफूलाई राष्ट्रिय मानव अधिकार आयोगको अध्यक्ष भएको र अमेरिका पठाइदिन्छु भन्दै ठगी गरेको आरोपमा प्रहरीले एक जनालाई पक्राउ गरेको छ । संखुवासभा पाँचखपन गाउँपालिका वडा नम्बर ५ खमारे घर भई काठमाडौंको चावहिल बस्ने वर्ष ६० वर्षका तुलसी थापालाई महानगरीय अपराध महाशाखाको टोलीले दरबारमार्गबाट पक्राउ गरेको हो ।
अमेरिकामा हुने कार्यक्रममा पठाइदिने भन्दै थापाले १५ लाख रुपैयाँ रकम ठगी गरेको प्रारम्भिक अनुसन्धानबाट खुलेको महाशाखाले जनाएको छ । महाशाखाले थापाबाट अन्य कोही ठगिएको भए सम्पर्क राख्नसमेत अनुरोध गरेको छ ।