‘प्रधानमन्त्री ओलीलाई हटाउने उचित बेला चैं कैले रच हँ ?’
काठमाडौँ । पूर्वप्रधानमन्त्री डा. बाबुराम भट्टराईले प्रधानमन्त्री केपी शर्मा ओलीलाई हटाउने उपयुक्त समय कहिले हो ?’ भनी प्रश्न गरेका छन् । सामाजिक संजालमार्फत भट्टराईले बहुमत प्राप्त दलका प्रधानमन्त्रीलाई हटाउने प्रावधान सजिलो नभएको भन्दै पार्टीले मात्र हटाउन सक्ने बताएका छन् ।
मदन जयन्तीको अवसरमा आइतबार आयोजित कार्यक्रममा प्रधानमन्त्री ओलीले आफूलाई हटाउन भारत सक्रिय भएको बताएपछि भट्टराईले यस्तो लेखेका हुन् ।
उनले लेखेका छन्,‘बहुमत प्राप्त प्रधानमन्त्री केपी शर्मा ओलीलाई आफ्नै पार्टीले बाहेक अरूले हटाउन सक्ने व्यवस्था हाम्रो संविधानमा छैन । तर अहिले हटाए नक्सा छापेको करणले हुने ! भोलि सलहले दुःख दिएको बेला हुने ! पछि बाढीपैरो आएको बेला हुने ! अलिपछि दशैंतिहारको बेला हुने ! अनि जाडोको बेला हुने ! उचित बेला चैं कैले रच हँ ?’
