अख्तियारले गच्छदारलाई मुद्दा हालेपछि कांग्रेस आन्तरिक छलफलमा
काठमाडौं । नेपाली कांग्रेसका उपसभापति विजयकुमार गच्छदारमाथि अख्तियार दुरुपयोग अनुसन्धान आयोगले भ्रष्टाचार मुद्दा दर्ता गरेपछि नेपाली कांग्रेसले आकस्मिक बैठक बोलाएको छ ।
गच्छदारमाथि मुद्दा दायर भएपछि कसरी प्रस्तुत हुने विषयमा छलफल गर्न सभापति देउवाले पदाधिकारी बैठक बोलाएका हुन् । अहिले देउवा निवास बुढानिलन्ठमा जारी बैठकमा कानुन व्यवसायी पनि सहभागी छन् ।
ललिता निवासको जग्गा किनबेचमा संलग्न भएको आरोपमा गच्छदारसहितका नेता तथा कर्मचारीहरुलाई अख्तियारले बुधबार मुद्दा दायर गरेको छ ।
अख्तियारले भूमिसुधार मन्त्रीको हैसियतमा मन्त्रिपरिषदमा पेश गरेको निर्णयले सरकारी जग्गा व्यक्तिको भएको भन्दै भ्रष्टाचार मुद्दा दायर गरेको हो । अख्तियारले गच्छदारविरुद्ध ९ करोड ६५ लाख भ्रष्टाचार गरेको दाबी गरेको छ ।
