आफूमाथि गरिएको विश्वासलाई असर पर्न दिन्न
काठमाडौँ । न्याय परिषद सदस्यका लागि सिफारिस गरिएका लक्ष्मीबहादुर खड्का निरालाको नाम संसदीय सुनुवाई समितिले अनुमोदन गरेको छ ।
संसदीय सुनुवाई विशेष समितिमा आइतबार भएको सुनुवाईपछि समितिले निरालाको नाम अनुमोदन गरेको हो । राजाको प्रत्यक्ष शासनकालका बेला महान्यायाधिवक्ता रहेका उनलाई सरकारले पुस ३ गते न्याय परिषदमा सरकारका प्रतिनिधिका रुपमा सिफारिस गरेको थियो ।
सुनुवाईका क्रममा निरालाले २०६२–६३ को जनआन्दोलनमा भएको दमनबारे छानबिन गर्न बनेको रायमाझी आयोगले अरुलाई दोषी भने पनि आफूलाई निर्दोष भनेको बताए । निरालाले आफूमाथि प्रश्न उठेकै दिन परिषदबाट बाहिरिने भन्दै गन्हाएर ननिस्कने बताए ।
संसदीय सुनुवाइका क्रममा निरालाले ५४ वर्षको न्याय क्षेत्रको अनुभव आफूसँग भएको भन्दै न्याय परिषद्मा आफ्नो जिम्मेवारी इमानदारीका साथ पूरा गर्ने बताए । उनले भने, ’जीवनको उत्तराद्र्धमा म त्यहाँ गएर यताउता गर्नुपर्ने केही छैन।’
न्यायपरिषद सदस्यमा सिफारिस निरालाले समितिबाट अनुमोदन हुनुअघि समिति छलफलमा आफु निष्ठापूर्वका काम गर्ने प्रतिवद्धता जनाएका थिए । जीवनको उत्तराद्र्धमा कुनै दायाँ बायाँ गर्नुपर्ने आवश्यकता नरहेको भन्दै निरालाले आफुमाथि गरिएको विश्वासलाई असर पर्न नदिने बताए ।
