नारायणकाजीले भने -भारतले मिचेको नेपाली भूमि सरकारले फिर्ता गरेरै छाड्छ
भक्तपुर । नेपाल कम्युनिस्ट पार्टीका प्रवक्ता नारायणकाजी श्रेष्ठले भारतले मिचेको नेपाली भूमि नेकपाले मात्रै फिर्ता ल्याउन सक्ने दाबी गरेका छन् ।
उपनिर्वाचनको प्रचारका क्रममा आइतबार बिहान भक्तपुर पुगेका श्रेष्ठले नेपालको कालापानी लगायत मिचिएको भू–भाग नेकपाले मात्र फिर्ता गराउन सक्ने दाबी गरेका हुन् ।
सरकारले कालापानी, लिपुलेक ,लिम्पियाधुरा हाम्रो हो भनेर स्पष्ट पारेको भन्दै उनले कुटनैतिक पहलबाट मिचिएको भूमि फिर्ता गर्न सरकार दृढतापूर्वक लागेको दाबी गरे ।
यही मंसिर १४ गते हुने उप निर्वाचनमा भक्तपुरको १(क) मा प्रदेशसभाका लागि निर्वाचन हुँदैछ। त्यस क्षेत्रका नेकपाका उम्मेदवार डिपी ढकालको चुनावी अभियानलाई सघाउन श्रेष्ठ भक्तपुरको झौखेल पुगेका हुन् ।
उनले नेपालको स्वाधीन रक्षाका लागि नेकपाको विकल्प नभएको भनी आफ्ना उम्मेदवारलाई मत दिएर जिताउन आग्रह गरे।
