प्रधानमन्त्रीलाई भेटेर आएका प्रचण्डले भने–डायलासिस गरेपछि उहाँको स्वास्थ्य सामान्य हुँदै गएको छ



काठमाडौं । सत्तारूढ नेपाल कम्युनिष्ट पार्टीका अध्यक्ष पुष्पकमल दाहाल प्रचण्डले बुधबारदेखि ग्राण्डी अस्पतालमा उपचाररत प्रधानमन्त्री केपी शर्मा ओलीसँग बिहीबार दिउँसो भेट गरेका छन् ।

प्रधानमन्त्रीलाई भेटेर फर्केपछि पत्रकारहरुसँग कुरा गर्दै प्रचण्डले प्रधानमन्त्रीको अवस्था सामान्य नै रहेको बताए । उनले भने,‘डायलसिस भएपछि एकैछिन रेष्ट गरेर डिस्चार्ज हुँदै हुनुहुन्छ। आज बालुवाटार जानुहुन्छ।’

डायलसिस गरिसकेपछि उहाँको स्थिति सामान्य हुँदै गएको उनले बताए । प्रधानमन्त्री ओलीलाई भेट्न प्रवक्ता नारायणकाजी श्रेष्ठ र स्थायी समिति सदस्य भीम रावल पनि अस्पताल पुगेका थिए ।तर उनीहरू भने प्रधानमन्त्रीलाई भेट्न नपाइ फर्किएका थिए ।

प्रधानमन्त्रीको बुधबार पनि डायलासिस गरिएको थियो । प्रधानमन्त्रीको रगतमा क्रेटिनिन, युरिया र पोटासियमको मात्रा अत्यधिक बढेपछि डायलासिस गरिएको हो ।

प्रधानमन्त्री ओलीको १२ वर्षअघि मिर्गौलाले काम गर्न छाडेपछि नयाँ मिर्गौला प्रत्यारोपण गरिएको थियो । त्यो मिर्गौला पनि अहिले कमजोर भएर समस्या हुने गरेको छ । रगतमा ’एन्टिबडी’ को मात्रा बढेर समस्या भएपछि उनले गत भदौमा सिंगापुर गएर ’प्लाज्माफेरेसिस’ गरेका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कानुन बनाएर गिरिबन्धुमा संलग्नहरुलाई छानबिनको दायरामा ल्याउनुपर्छः अध्यक्ष लिङ्देन

काठमाडौं । राष्ट्रिय प्रजातन्त्र पार्टीले गिरिबन्धु टी–स्टेटमा नीतिगत भ्रष्टाचार भएको भन्दै छानबिन माग

सहकारी पीडितहरुले थाले धर्ना, रिले अनशन र प्रदर्शन, बचत फिर्ताको माग

काठमाडौँ । सहकारी पीडितहरुले काठमाडौंमा विरोध र्याली निकालेका छन् । आफूहरुको बचत फिर्ता

महिनौदेखि धित मरुञ्जेल पानी पिउने नपाएका अँधेरीगाउँका बासिन्दा

सिरहा । सिरहाको मिर्चैया बजारबाट करिब १५ किलोमिटर उत्तर-पूर्वको चुरेफेदमा पर्छ अँधेरीगाउँ ।

गृहमन्त्री रवि लामिछानेलाई निलम्बन गर्न माग गर्दै सर्वोच्चमा रिट दायर, बुधबार पेसी

काठमाडौँ । सहकारी ठगी प्रकरणमा जोडिएका उपप्रधान तथा गृहमन्त्री रवि लामिछानेलाई पदबाट निलम्बन