निर्भया बलात्कार घटनाका दोषीलाई जनवरी २२ मा फाँसी दिइने



भारतको नयाँदिल्लीमा आठ वर्षअघिको सामूहिक बलात्कार घटनामा अदालतले दोषी ठहर गरेका चारै जनालाई जनवरी २२ तारिखमा मृत्युदण्डको सजाय दिइने भएको छ ।

नयाँदिल्लीस्थित पटियाला हाउस अदालतले बलात्कारमा संलग्न अक्षय, मुकेश सिंह, विनय शर्मा र पवन गुप्ताविरुद्ध मृत्युदण्डको आदेश जारी गरेको हो । अदालतले २०१२ डिसेम्बर १६ मा एक युवतीको बलात्कार गरेको र यातना दिएको आरोपमा उनीहरुलाई जनवरी २२ को बिहानै ७ बजे झुन्डाएर मृत्युदण्ड दिन आदेश दिएको हो ।

पटकपटकको सुनुवाइपछि अदालतका न्यायाधीश सतीशकुमार अरोराले बलात्कारीलाई झुन्ड्याउनु भन्ने ’ब्ल्याक वारेन्ट’ जारी गरेका हुन् । यो वारेन्टमाथि १४ दिनभित्रमा आरोपीले सर्वोच्च अदालत जान सक्छन् वा राष्ट्रपति समक्ष जीवनरक्षाको याचना गर्न सक्छन् । २३ वर्षकी मेडिकल विद्यार्थीको बसमा ६ जनाले सामूहिक बलात्कार गरेका थिए।

उनलाई मरणासन्न बनाएर सडकमा फालिएको थियो । यसको विरोधमा भारतभर ठूलो विरोध प्रदर्शन भएको थियो । पछि मात्र ती युवतीलाई निर्भया नाम दिइएको थियो ।

६ आरोपीमध्ये एक वयस्क नभएकाले यो सजायबाट जोगिएका छन् । अर्का एक आरोपी रामसिंहले हिरासतमै आत्महत्या गरिसकेका छन् । केहीअघि हैदराबादमा एक युवतीको बलात्कारपछि हत्या गर्ने चार जनालाई प्रहरीले त्यही ठाउँमा लगेर गोली हानी मारेको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
यस्ता छन् अर्थ मन्त्रालयका नजरमा नेपालको अर्थतन्त्रका ४६ चुनौती र सुधार गर्नुपर्ने २९ क्षेत्र

काठमाडौँ । मुलुकको अर्थतन्त्रका देखिएका चुनौती र समाधानका उपायबारे अर्थमन्त्रालयका कर्मचारीहरूले अर्थमन्त्री विष्णुप्रसाद

शिक्षा मन्त्रालयद्वारा पूर्वमन्त्री महतोले ५ हजार घुस दिएको विषयमा छानबिन गर्न समिति गठन

काठमाडौँ । शिक्षा मन्त्रालयले पूर्वमन्त्रीले ५ हजार घुस दिएको विषयमा छानबिन गर्न समिति

बहादुर सिंह लामा बागमती प्रदेशको मुख्यमन्त्री नियुक्त

बागमती । बागमती प्रदेशको मुख्यमन्त्रीमा बहादुर सिंह लामा नियुक्त भएका छन् । मंगलबार

इथियोपियामा पहिरोमा परी एक सय ४६ को मृत्यु

दक्षिणी इथियोपियामा पहिरोमा परी ज्यान गुमाउनेको सङ्ख्या १४६ पुगेको मंगलबार स्थानीय अधिकारीले बताएका