सत्य निरूपण र बेपत्ता छानविन आयोगलाई पूर्णता दिने विषयमा प्रचण्ड र देउवाबीच छलफल
काठमाडौं । सत्तारूढ नेपाल कम्युनिष्ट पार्टीका अध्यक्ष पुष्पकमल दाहाल प्रचण्ड र प्रमुख प्रतिपक्षी दल नेपाली कांग्रेसका सभापति शेरबहादुर देउवाबीच भेटवार्ता भएको छ । देउवा निवास बुढानिलकण्ठमा सोमबार बिहान उनीहरूबीच भेटवार्ता भएको हो ।
देउवालाई भेट्न प्रचण्ड देउवा निवास पुगेका थिए । उनीहरुबीच समसामयिक राजनीतिक विषयमा छलफल भएको बताइएको छ । सत्य निरूपण तथा मेलमिलाप आयोग र बेपत्ता छानविन आयोगलाई नेतृत्व प्रदान गर्नेलगायत विषयमा दुई नेताबीच छलफल भएको हो बताइएको छ ।
