कांग्रेसको विवाद समाधानका लागि देउवा र पौडेल पक्ष सहमति नजिक



काठमाडौं । नेपाली कांग्रेसमा सभापति शेरबहादुर देउवा र वरिष्ठ नेता रामचन्द्र पौडेल पक्षबीचको विवाद सहमति नजिक पुगेको छ । सोमबार बिहान वरिष्ठ नेता पौडेल समूहले वार्ताका लागि गठन गरेको समिति र संस्थापन पक्षबाट समन्वय गरिरहेका उपसभापति विमलेन्द्र निधिबीच भएको वार्ता सकारात्मक रुपमा अघि बढेको हो ।

नेताहरुबीचको छलफल सहमति नजिक पुगेको नेता प्रकाशमान सिंहका प्रेस सहयोगी एवं नेविसंघका नेता युपी लामिछानेले जानकारी दिएका छन् । असन्तुष्ट पक्षलाई मनाउन कांग्रेस उपसभापति विमलेन्द्र निधि पौडेल समूहका नेताहरुसँग छलफल गर्न केन्द्रीय सदस्य प्रकाशमान सिंहको निवास चाक्सीबारी पुगेका थिए ।

लामिछानेले भने,‘ नेताहरु बीचको छलफल भरखरै सकिएको छ सहमति नजिको पुगेको छ । केही प्राबिधिक कुराहरु मिलाएर ठोस सहति जुटाउने गरि छलफल निरन्तरता दिने गरि सहमति खोज्ने प्रयास जारी रहेको छ।’ यसअघि शनिबार बेलुकी पनि उपसभापति निधिले सोही समितिसँग समस्या समाधानको प्रयास स्वरुप वार्ता गरेका थिए ।

नेताहरुले उक्त वार्ता सकारात्मक रहेको बताए पनि निष्कर्ष भने निकाल्न सकेका थिएनन् । बिहीबारबाट सुरु भएको केन्द्रीय समिति बैठकमा पेस भएका एजेण्डा सहमतिमै पारितका लागि सभापति शेरबहादुर देउवा शनिबार बिहान उपसभापति निधिका साथ वरिष्ठ नेता पौडेललको निवास बोहराटार पुगेका थिए ।

उनले बैठकमा उपस्थित हुन आग्रह गरे पनि नेता पौडेलले १४ औं महाधिवेशनको कार्यतालिका नल्याउँदासम्म बैठकमा उपस्थित नहुने अडान राखेका थिए । सभापति देउवासँगको छलफलपछि नेता पौडेल शनिबार पाथीभरा देवीको दर्शनका लागि गएका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कठै मेरो भाग्य !

डा. गोविन्दशरण उपाध्याय । गाउँतिर जाउँ भने सरकारी ठेकेदारका डोजरले भत्काएर पहिरो गएका

यो सत्तागठबन्धन चुनावपछि पग्लिएर बिलाउँछः अध्यक्ष ओली

काठमाडौं । नेकपा एमालेका अध्यक्ष केपी शर्मा ओलीले पाँच दलीय गठबन्धनलाई फ्रिजभित्रको आइसको

मन्त्रिपरिषद्ले चाँडो पूर्णता पाउँछ : नेता सिंह

काठमाडौं । नेपाली काँग्रेसका नेता प्रकाशमान सिंहले मन्त्रिपरिषद्ले चाँडो पूर्णता पाउने बताएका छन्

सरकारका १५ कामको सूची सार्वजनिक

काठमाडौं । प्रधानमन्त्री नियुक्त भएको दुई महिना वितिसक्दा पनि सरकार विस्तार गर्नसमेत गर्न