सभामुख महराद्वारा पदबाट राजीनामा
काठमाडौं । प्रतिनिधि सभाका सभामुख कृष्णबहादुर महराले पदबाट राजीनमा दिएका छन् । मंगलवार सत्तारुढ दल नेपाल कम्युनिस्ट पार्टीको सचिवालय बैठकको सुझाव अनुसार महराले राजीनामा दिएका हुन् ।
सभामुख महरामाथि संघीय संसद् सचिवालयमा काजमा कार्यरत एक महिलाले बलात्कार गरेको आरोप लगाएपछि उनी राजीनामा दिन बाध्य भएका हुन् ।
नैतिकताको आधारमा आफूले आजको मितिबाट अनुसन्धान नसकिदासम्मको लागि राजिनामा दिएको राजीनामा पत्रमा उल्लेख गरिएको छ ।
संसद सचिवालयमा काजमा रहेकी ती कर्मचारीले आइतबार राति आफ्नै कोठामा आएर मदिराको मातमा सभामुख महराले जबर्जस्ती गरेको आरोप लगाएकी छन् ।
