मल आपूर्ति तथ्य र आवश्यकताका आधारमाः कृषिमन्त्री
काठमाडौं । कृषि तथा पशुपंक्षी मन्त्रालयले रसायनिक मलको समस्या सधैंको लागि अन्त्य भएको बताएको छ । बिहीबार मन्त्रालयमा पत्रकार सम्मेलन गरी कृषिमन्त्री पद्माकुमारी अर्यालले मलको अभावमा किसानलाई परेको समस्यामा सधैंको लागि अन्त्य भएको बताएकी हुन् ।
आफूले मन्त्रालय सम्हाले पछि तत्कालिन रुपमा समस्या समाधानको रुपमा गरिएको व्यवस्थापन, मध्यकालिन समाधानको रुपमा मासिक कार्यतालिकाको आधारमा मलको सहज आपूर्ति गर्न हुनथालेपछि मलको समस्या हटेको बताइन् ।
मन्त्रालयले दीर्घकालिन समाधानका लागि मल कारखाना स्थापना गर्ने गरि काम अगाडि बढाएको मन्त्री अर्यालले बताइन् । मलको समस्या रहिरहन नदिन सातै प्रदेशमा मल भण्डारणको व्यवस्था गरिने पनि मन्त्री अर्यालले बताइन् ।
यस आर्थिक वर्षको आयातबाट २ लाख मेट्रिक टन मल आगमी वर्षको धान सिजनका लागि मौज्दात रहने भएकाले उक्त मौज्दातले साउनदेखि असोजसम्मको माग धान्ने मन्त्रालयले बताएको छ ।
