उद्योगी रुप ज्योति पक्राउ, ठगीको अरोप

काठमाडौं । ठगी आरोपमा उद्योगी तथा पूर्वमन्त्री रुप ज्योतिलाई प्रहरीले पक्राउ गरेको छm । सिंगापुरबाट काठमाडौं ओर्लिएका उनलाई महानगरीय प्रहरी परिसरको टोलीले त्रिभुवन विमानस्थलबाट पक्राउ गरेको हो । उनलाई महानगरी प्रहरी परिसरको हिरासतमा राखिएको छ ।

उनले जग्गा र हाउजिङमा बनेको घर दिने भन्दै पैसा लिएर ठगी गरेको आरोपसहित विज्ञेन्द्रकृष्ण मल्ललगायतले उजुरी दिएका थिए ।

ज्योतिले जग्गा दिन्छु भनेर पैसा उठाउँदै ठगी गरेको भन्दै मुद्दा परेपछि उनलाई पक्राउ गर्न काठमाडौं प्रहरी परिसरले प्रहरी परिचालन गरेको थियो । मंगलबार सर्वोच्च अदालतले ज्योतिलाई पक्राउ गरी कसुरमाथि अनुसन्धान गर्न प्रहरीलाई आदेश दिएको थियो। उनलाई शुक्रबार अदालतमा अपस्थित गराएर उजुरीमाथि अनुसन्धान गर्ने प्रहरीको तयारी छ।