आधुनिकताले निम्त्याएको जटिलतामा “मातृदेवो भव” भन्न सजिलो छ तर तेसको पालना गर्न सजिलो छैन | मनमा माया लाग्छ तर व्यबहारमा सेवा गर्न सजिलो छैन |

आमालाई शहर मन पर्दैन शहरमा नवसी मेरो चूल्हो बल्दैन | तर आमासंग हरेक दुई-तीन दिनमा फोनमा संवाद गर्छु, भान्छामा के पाकेको छ भनेर सोध्छु, र “मलाई पनि दिनु न” भनेर मोबाइल मै जिस्किन्छु र गाउँतिर कस्तो छ भनेर जानकारी लिन्छु |

आमासंग जिस्किनुको मजा संसारमा अरू कहीं मिल्दैन | मेरो लागि आमा मात्रै संसारमा एस्तो व्यक्ति हो जससंग म केटाकेटी बनेर जिस्किन सक्छु, झर्किन सक्छु र आफ्ना भावनाहरू जस्ताको तस्तै पोख्न सक्छु | अरूसंग खोल्न र बोल्न नसक्ने कुराहरू आमासंग पोखेर सहज हुन्छु |

आमा भने हरेक पटक एउटो शब्द भन्न विर्सनु हुन्न “बाबु ! तिमीहरू घर कैले आउँछौं ? ” यसरी नै आमाको आशिर्वाद र माया हामी सबै दाजुभाइ तथा दिदीबहिनीका लागि प्राप्त भैरहोस् |