भुटानी शरणार्थीसँग सम्बन्धित केही फरार अभियुक्तको गिरफ्तारी पछि नेताहरुमा डर पैदा भयो र सरकार ढालियोः प्रचण्ड

विराटनगर । नेकपा माओवादी केन्द्रका अध्यक्ष पुष्पकमल दाहाल प्रचण्डले सुशासनको सुई बालकोट र बुढानीलकण्ठतिर सोझिँदा आफ्नो सरकार ढालिएको आरोप लगाएका छन् ।

शनिबार मोरङको ग्रामथानमा आयोजित पार्टीको कार्यक्रमलाई सम्बोधन गर्दै अध्यक्ष प्रचण्डले भुटानी शरणार्थीसँग सम्बन्धित केही फरार अभियुक्तको गिरफ्तारी र सुशासनको सुई बालकोट र बूढानीलकण्ठ सोझिँदा आफ्नो सरकार ढलेको दाबी गरेका हुन् ।

उनले भने, ‘सुशासनको सुई बालकोट सोझियो, बुढानीलकण्ठतिर पनि सोझियो । अनि नेताहरुमा पैदा भयो र सरकार ढालियो ।’

उनले तथाकथित संख्याको बलमा अप्राकृतिक रुपमा सरकार ढालिएको बताए । प्रचण्डले बंगलादेशबाट पाठ सिक्न सत्ता गठबन्धनलाई चेतावनीसमेत दिए ।

उनले भने, ‘मैले सम्झाएको मात्र छु, दुई तिहाइको तपाईहरुलाई अहंकार आयो भने धेरै टाढा जानुपर्दैन बंगलादेश हेरे पुग्छ, त्यहाँ पनि दुई तिहाइ एउटै पार्टीको थियो ।’