सेनालाई विवादमा तान्ने काम नगरौंः कमल थापा
काठमाडौं । राष्ट्रिय प्रजातान्त्र पार्टीका अध्यक्ष कमल थापाले सेनालाई विवादमा तानेर मनोबल गिराउने काम नगर्न आग्रह गरेका छन् । औषधि खरिद प्रकरणमा सेना विवादमा तानिएपछि बिहीबार ट्वीट गर्दै अध्यक्ष थापाले यस्तो बताएका हुन् ।
थापाले ट्विट गर्दै भनेका छन्, ‘राष्ट्रिय सुरक्षा र एकताको अन्तिम भरोसा र किल्ला नेपाली सेनालाई विवादमा तान्ने र बदनाम गर्ने कार्य कतैबाट हुनु हुँदैन । सेनाको मनोबल गिराउने काम गर्नु हुँदैन । सार्वजनिक खरिद जस्तो सरकारको नियमित काममा सेनालाई प्रयोग गर्दा स्वभावतः अनाबश्यक विवाद हुन्छ । भविष्यमा यस्तो गल्ति नदोहरियोस् ।’
