काठमाडौंबाट एक करोड रुपैयाँसहित हुण्डी कारोबारमा संलग्न तीन जना पक्राउ
काठमाडौँ । प्रहरीले हुण्डी कारोबारमा संलग्न तीन जनालाई काठमाडौंबाट पक्राउ गरेको छ । नेपाल प्रहरीको केन्द्रीय अनुसन्धान ब्युरो (सीआईबी) ले काठमाडौंको ओमबहालबाट झापाका विकास मित्तल र कमल मित्तल तथा पर्वतका गणेश पौडेललाई सोमबार राति पक्राउ गरेको हो ।
उनीहरुको साथबाट प्रहरीले श्रोत नखुलेको एक करोड रुपैयाँ बरामद गरेको छ । बरामद गरिएको हुण्डीको रकम विदेश पठाउन लागिएको प्रहरीको आशंका छ ।
