शक्तिपीठहरुमा भक्तजनको भीड (फोटोफिचर)
काठमाडौं । नवरात्रिको पहिलो दिन शनिबार काठमाडौं उपत्यकाका शक्तिपीठहरुमा भक्तजनहरुको भीड लागेको छ । कोरोना महामारीकाबीच पनि भक्तजनहरु नवरात्रका अवसरमा पूजाआजाका लागि शक्तिपीठ पुगेका हुन् । शनिबार भद्रकाली मन्दिर लगायतका अन्य मन्दिरमा पूजाआजाका लागि आउने श्रद्धालुहरुको भीड देखिएको छ ।
अघिल्ला वर्षहरुको तुलनामा कम भीड भएपनि कोरोना महामारीका बीच भक्तालुहरु पूजाआजाका लागि शक्तिपीठ पुगेका छन् । सरकारले भने कुनैपनि मन्दिर र शक्तिपीठमा नित्यपूजा सञ्चालन गर्न बाहेक सर्वसाधारणका लागि पूजाआजा गर्न रोक लगाएको छ । नवरात्रभर दुर्गाका तीन रुप महाकाली, महालक्ष्मी र महासरस्वतीको विधिपूर्वक पूजाराधना गरिन्छ ।
