नेपाल–चीन सीमा समस्याबारे सत्यतथ्य सार्वजनिक गरियोस्ः भीम रावल
काठमाडौं । सत्तारुढ नेकपाका नेता भीम रावलले हुम्लाको नाम्खा गाउँपालिका, लिमी लोलुङजङमा नेपाल–चीन सीमा समस्याबारे सत्यतथ्य सार्वजनिक गर्न माग गरेका छन् ।
सोमबार ट्वीट गर्दै नेता रावलले देशको भौगोलिक अखण्डतासग जोडिएको विषय उठिसकेपछि वस्तुगत किसिमले टुंगो लगाउन माग गरेका हुन् ।
उनले लेखेका छन्, ‘हुम्लाको नाम्खा गा.पा., लिमी लोलुङजङमा नेपाल र चीनको सीमासम्बन्धमा नापी विभाग, परराष्ट्र मन्त्रालय लगायत सरकारका आवश्यक कर्मचारीलाई सामेल गरी स्थलगत अध्ययन गराई सत्यतथ्य सार्वजनिक गरियोस् । देशको भौगोलिक अखण्डतासँग जोडिएको विषय उठिसकेपछि वस्तुगत किसिमले टुंगो लगाइयोस् ।’ सीमा विवादको विषय सार्वजनिक भएपछि सरकारले भने चीनसँग कुनै सीमा विवाद नभएको बताएको छ ।
