नवलपरासीका कोरोना संक्रमितको भैरहवामा मृत्यु

बुटवल । भैरहवास्थित भीम अस्पतालमा एक जना कोरोना संक्रमितको मृत्यु भएको छ । मंगलबार बिहान पश्चिम नवलपरासीको बर्दघाट–१२ का ६३ वर्षीय पुरुषको उपचारका क्रममा मृत्यु भएको अस्पतालका सूचना अधिकारी डा. नारायण पोख्रेलले जानकारी दिए ।

कात्तिक २६ गते कोभिड पुष्टि भई अस्पताल भर्ना भएका उनलाई सोमबार राति हृदयघात भएको थियो । हृदयघातपछिको उचारका लागि तयारी गर्दागर्दै उनको मृत्यु भएको चिकित्सकले जानकारी दिएका छन् ।