कोरोनाविरुद्धको खोप ल्याउनेतर्फ ध्यान केन्द्रित गर्न सरकारलाई भट्टराईको सुझाव
काठमाडौं । पूर्वप्रधानमन्त्री डा. बाबुराम भट्टराईले कोरोनाभाइरसविरुद्ध विकास भइरहेका खोप अंग्रेजी नयाँ वर्षको शुरूमै आउने चर्चा भैरहेको भन्दै खोप ल्याउनेतर्फ ध्यान केन्द्रित गर्न सुझाव दिएका छन् ।
मंगलवार सामाजिक सञ्जाल ट्विटरमार्फत भट्टराईले मोडेर्ना, फाइजरलगायत कम्पनीले विकास गरेका खोप एक डेढ महिनामै आउने भन्दै सरकारलाई कानमा तेल हालेर नबस्न सुझाव दिएका हुन् ।
उनले लेखेका छन्, ‘कोरोनाविरूद्धको खोप मोडेर्ना, फाइजर लगायत कम्पनी र रूस,चीन लगायत देशले परीक्षण र विकास गरिरहेको र इस्वी नयाँ बर्ष सँगसँगै बजारमा आइसक्ने चर्चा भैरहँदा हाम्रो सरकार पहिले झैं कानमा तेल हालेर नसुतोस् ! शुरूमा धनी देशले ओगट्ने हुँदा गरीब देशले डब्लूएचओमार्फत लिने कि ? मु..सक्यो दैलो देख्यो नहोस् !’
